کرم: 100 گاڑیوں پر مشتمل امدادی اشیاءکا ایک اورقافلہ پاراچنار کیلئے روانہ

پشاور ( ڈیلی پاکستان آن لائن ) حکومت کی جانب سے 100 گاڑیوں پر مشتمل امدادی اشیاءکا قافلہ پاراچنار کیلئے روانہ ہوگیا۔
نجی ٹی وی دنیا نیوز نے ضلعی انتظامیہ کے حوالے سے بتایا کہ امدادی سامان میں اشیائے خوردونوش سمیت دیگر ضروری سامان شامل ہے، قافلہ سکیورٹی فورسز کی جانب سے کلیئرنس ملنے کے بعد روانہ کیا گیا۔
انتظامیہ کا کہنا ہے کہ قافلے کے ساتھ سکیورٹی فورسز کے جوان سکیورٹی کے فرائض سرانجام دے رہے ہیں، ضلعی انتظامیہ کے نمائندے بھی قافلے میں موجود ہیں، قافلہ ٹل کینٹ سے پارا چنار کی جانب روانہ کیا گیا ہے۔