بھائی کے ہاتھوں بہن قتل، ملزم نے تھانے جا کر گرفتاری دیدی، وجہ ایسی کہ یقین کرنا مشکل

سانگھڑ (ویب ڈیسک) سانگھڑ میں چائے دیر سے دینے پربھائی نے بہن کو قتل کر دیا، بعد ازاں خود تھانے پہنچ کر گرفتاری بھی دے دی۔

جیو نیوز کے مطابق واقعہ تحصیل شہداد پورکے گاؤں خمیسو بروہی میں پیش آیا۔ ملزم نے اپنی 19 سالہ بہن نازبانو کو گھر میں فائرنگ کرکے قتل کیا۔پولیس کے مطابق  ملزم نے جیل سے اعترافی ویڈیو بیان میں کہا ہے کہ بہن نے چائے دینے میں دیرکی تو غصے میں پستول سے فائرکرکے بہن کو قتل کردیا اور واردات کے بعد تھانے پہنچ کر گرفتاری دی ہے۔