ٹریکٹر ٹرالی نے موٹرسائیکل کو ٹکر مار دی، ایک نوجوان موقع پر جاں بحق، دوسرا شدید زخمی
بہاولنگر (ڈیلی پاکستان آن لائن) بہاولنگر میں ٹریکٹر ٹرالی نے موٹرسائیکل کو ٹکر ماری دی جس کے نتیجے میں ایک نوجوان موقع پر جاں بحق اور دوسرا شدید زخمی ہو گیا۔
نجی ٹی وی دنیا نیوز کے مطابق بہاولنگر کی میکلوڈ گنج روڈ پر موٹرسائیکل سوار نوجوان اپنی منزل کی جانب رواں دواں تھے کہ ٹریکٹر ٹرالی نے زوردار ٹکر مار دی جس سے دونوں موٹرسائیکل سوار شدید زخمی ہو گئے۔ ڈرائیور ٹریکٹر ٹرالی کو وہیں چھوڑ کر موقع ملتے ہی فرار ہو گیا۔
ریسکیو عملہ جب موقع پر پہنچا تو ایک نوجوان زخموں کی تاب نہ لاتے ہوئے دم توڑ چکا تھا جس کا نام مصطفیٰ بتایا گیا ہے جبکہ دوسرے شدید زخمی نوجوان کو ہسپتال منتقل کر دیا گیا، پولیس نے تفتیش شروع کر دی۔
