پاک فضائیہ کا جنگی جہاز گرکر تباہ،طیارہ کون سا تھا اور کس مشن پر تھا؟ ترجمان نے بتادیا
اسلام آباد(ڈیلی پاکستان آن لائن)اسلام آباد میں پاک فضائیہ کے جنگی طیارے کی تباہی پر ترجمان پاک فضائیہ کا ردعمل آگیا۔ ترجمان نے طیارے کی تباہی کی تصدیق کرتے ہوئے بتایا ہے کہ یہ ایف سولہ طیارہ تھا جو کہ تئیس مارچ کے حوالے سے کی جانے والی تقریب میں حصہ لینے کیلئے ریہرسل کررہا تھا۔
ترجمان پاک فضائیہ کے مطابق طیارے کی تباہی کی وجوہات جاننے کیلئے ایئر ہیڈکوارٹرز میں تحقیقاتی ٹیم تعینات کردی گئی ہے جو اس طیارے کی تباہی کے تمام پہلووں کا جائزہ لیں گے۔
سوشل میڈیا پر وائرل ہونے والی ایک ویڈیو کے بارے میں کہا جارہاہے کہ وہ حادثے کا شکار ہونے والے طیارے کی ہے۔
#ExclusiveVideo #Islamabad: F-16 plane crash near parade ground during rehearsals. pic.twitter.com/p8Ov2Qah7z
— Islamabad (@Islaamabad) March 11, 2020
پائلٹ کے حوالے سے پاک فضائیہ کے ترجمان نے تو کوئی موقف نہیں دیا البتہ قومی اسمبلی کے اجلاس کے دوران سپیکر اسد قیصر نے بتایا کہ ونگ کمانڈر نعمان اکرم شہید ہوگئے ہیں
شہید کیلئے قومی اسمبلی میں خصوصی دعا بھی کروائی گئی ہے
JUST IN #BREAKING
— Mughees Ali (@mugheesali81) March 11, 2020
A Pakistan Air Force (PAF) aircraft crashed in #Islamabad
Sources Claimed pic.twitter.com/Hlh2Q9v6TN
Apparently a rehearsing jet just crashed in Islamabad near Kashmir Highway. Can someone please confirm? pic.twitter.com/o4B2yuD7DF
— Shehryar Ahmed (@ShehryarAhm) March 11, 2020
اس سے قبل مختلف ٹی وی چینلز نے رپورٹ کیاکہ طیارہ گرنے کا واقعہ شکرپڑیا ں کے مقام پر کشمیر ہائی وے کے قریب پیش آیا ہے۔ اطلاعات کے مطابق یہ پاک فضائیہ کا ایک جنگی طیارہ تھا۔سکیورٹی ادارے اور پولیس کی بھاری نفری جائے وقوعہ پرپہنچ چکے ہیں۔ نجی ٹی وی اے آروائی کے مطابق یہ پاک فضائیہ کا لڑاکا طیارہ تھا جو ریہرسل میں حصہ لے رہا تھا۔ تاہم جس جگہ طیارہ گرا وہاں کسی قسم کے جانی نقصان کی اطلاع نہیں ملی۔
نجی ٹی وی جیو نیوز کے مطابق حادثہ چاند تارا چوک نامی مقام پر ایک جنگل میں پیش آیا ہے۔ حادثے کی جگہ کو سکیورٹی اہلکاروں نے گھیرے میں لے رکھا ہے ، طیارے کو آگ لگی ہوئی ہے۔ طیارہ جنگل میں آتشزدگی کا شکار ہوا ہے۔وہاں پہنچنے کا آسان راستہ نہیں ہے۔ اس لئے وہاں امدادی سرگرمیوں کیلئے بڑی گاڑیوں کی وہاں تک رسائی مشکل ہے۔
