اٹک: بچے کی خریدو فروخت کرنیوالے 2 ملزمان گرفتار، چار ماہ کا بچہ بازیاب
اٹک ( ڈیلی پاکستان آن لائن ) اٹک میں بچے کی خریدو فروخت کرنے والے 2 ملزمان گرفتارکرلئے گئے۔
نجی ٹی وی دنیا نیوز کے مطابق ڈی پی او اٹک نے بتایا کہ ایک لاکھ پچاس ہزار روپے کے عوض حسن نے اپنا بیٹا ملازم حسین کو فروخت کیا تھا، بچے کی عمر چار ماہ ہے۔پولیس کا بتانا ہے کہ ملزمان کے خلاف مقدمہ درج کرکے تفتیش کی جارہی ہے جبکہ بچے کو بازیاب کروا کر چائلڈ پروٹیکشن بیورو کے حوالے کر دیا گیا۔
