وفاقی دارالحکومت سمیت خیبرپختونخوا کے مختلف علاقوں میں زلزلے کے جھٹکے

پشاور(ڈیلی پاکستان آن لائن)وفاقی دارالحکومت سمیت خیبرپختونخوا کے مختلف علاقوں میں زلزلے  کے جھٹکے محسوس کئے گئے ہیں۔

نجی ٹی وی چینل جیو نیوز کے مطابق  وفاقی دارالحکومت اسلام آباد زلزلے سے لرز اٹھا، خیبرپختونخوا کے علاقوں پشاور، سوات،شانگلہ ،بونیر،اٹک، مالاکنڈ،مہمند ،شبقدراورایبٹ آبادمیں بھی جھٹکے محسوس کئے گئے ہیں۔

زلزلہ پیما مرکز کے مطابق ریکٹر سکیل پر زلزلے کی شدت 5.3ریکارڈ کی گئی،زلزلے کا مرکز ہندوکش ریجن افغانستان تھا،زلزلے کی گہرائی 220 کلومیٹر ریکارڈ کی گئی۔زلزلے کے جھٹکے محسوس ہونے پر لوگ کلمہ طیبہ کا ورد کرتے ہوئے گھروں ،دکانوں اور دفاتر سے  باہر نکل آئے۔زلزلے سے کسی جانی یا مالی نقصان کی اطلاع موصول نہیں ہوئی۔