غزہ پر صہیونی حملوں میں مزید تیزی، بمباری سے مزید 8فلسطینی شہید

                                                            غزہ،تل ابیب(آئی این پی)مظلوم فلسطینیوں کی مشکلات کم نہ ہوسکیں، اسرائیل نے غزہ پر حملے تیز کر دیئے، تازہ بمباری سے بچے سمیت آٹھ افراد شہید ہوگئے۔اسرائیلی حملوں کے باعث شہداء کی مجموعی تعداد 48 ہزار 503 ہوگئی،1 لاکھ 11 ہزار 927 زخمی ہو چکے، ادھر حماس نے اسرائیل کیساتھ مذاکرات کے نئے دور کے آغاز کا اعلان کر دیا، امر یکی ایلچی سٹیو وٹکوف مذاکرات کیلئے قطر پہنچ رہے ہیں۔اسرائیل نے لبنان سرحد کی حد بندی پر مذاکرات کا اعلان کر دیا، اسرائیل نے یرغمال بنائے گئے پانچ لبنانی شہریوں کو چھوڑ دیا، اسرائیل نے لبنان، امریکہ اور فرانس کیساتھ حد بندی کیلئے گروپس قائم کرنے پر اتفاق کر لیا۔واضح رہے گزشتہ سال جنگ بندی کے معاہدے کے باوجود اسرائیل نے جنوبی لبنا ن سے پیچھے ہٹنے سے انکار کیا تھا۔