کراچی کی فیملی کے 3 افرادچونیاں کے قریب دریائے ستلج میں ڈوب گئے، بچی کی تلاش جاری
قصور(ڈیلی پاکستان آن لائن )چونیاں میں دریائے ستلج میں ڈوبنے والی فیملی کے 3 افراد کی لاشیں نکال لی گئیں جبکہ ایک بچی کی تلاش جاری ہے۔
ریسکیو ترجمان کے مطابق کراچی کا ایک خاندان شادی پر کنگن پور آیا ہوا تھا، فیملی دریا کی سیر کو چونیاں گئی جہاں ایک میزبان خاندان کا بچہ نہانے کیلئے دریا میں اترا تو خواتین سمجھیں کہ وہ ڈوب رہا ہے، ا±سے بچانے کے لئے 2 خواتین اور ا±ن کے 2 بچوں نے دریا میں چھلانگ لگادی۔ریسکیو ترجمان کے مطابق میزبان خاندان کا بچہ تو نکل آیا لیکن 2 مہمان خواتین اور ان کے 2 بچے ڈوب گئے۔ریسکیو اہلکاروں نے 33سالہ رخسانہ، 22 سالہ نبیلہ اور 12 سالہ بچے روحان کی لاش نکال لی تاہم رات ہونے کے سبب 4 سالہ بچی رباب کی تلاش روک دی گئی تھی جو اب دوبارہ شروع کردی گئی ہے۔
