حساس ادارے کے دفاتر پر حملے کی منصوبہ بندی کرنیوالے 6 دہشتگرد گرفتار
اسلام آباد (ڈیلی پاکستان آن لائن) کاؤنٹر ٹیررازم ڈیپارٹمنٹ نے وفاقی دارالحکومت میں کارروائی کے دوران حساس اداروں کےدفاتر پر حملےکی منصوبہ بندی کرنیوالے 6 دہشتگردوں کو حراست میں لےلیا ۔
24 نیوز کے مطابق الخوارج گروپ کے 6 دہشت گردوں کو گرفتار کیا گیا،الخوارج گروہ کے دہشتگردوں کو اسلام آباد اورخیبر پخونخواسے گرفتار کیا گیا، ملزمان کے قبضہ سے بھاری مقدار میں بارودی مواد بھی برآمد کر لیا گیا۔دہشتگرد نور ولی محسود گروپ سے رابطے میں تھے،اسلام آباد سے گرفتار دہشتگرد کی نشاندہی پر سوات میں بھی آپریشن کیا گیا، گرفتار دہشت گردوں سے مزید تفتیش جاری ہے۔
