سینیٹر پلوشہ خان کے والد انتقال کر گئے
اسلام آباد(آئی این پی )پاکستان پیپلز پارٹی کی سینئر رہنما اور سینیٹر پلوشہ خان کے والد محترم انتقال کر گئے۔مرحوم کی نمازِ جنازہ چارسدہ میں ادا کی گئی جس میں عزیز و اقارب، سیاسی شخصیات، دوست احباب اور شہریوں کی بڑی تعداد نے شرکت کی ۔
صدر مملکت آصف علی زرداری ،چیئرمین پیپلزپارٹی بلاول بھٹو زرداری سمیت پیپلز پارٹی کی قیادت، اراکین پارلیمنٹ اور دیگر سیاسی و سماجی حلقوں نے سینیٹر پلوشہ خان سے ان کے والد کے انتقال پر اظہار تعزیت کرتے ہوئے مرحوم کی مغفرت اور درجات کی بلندی کے لیے دعا کی ہے۔
