خیبر پختونخوا کا آئندہ مالی سال کا بجٹ 19جون کو پیش کیا جائے گا

  خیبر پختونخوا کا آئندہ مالی سال کا بجٹ 19جون کو پیش کیا جائے گا

  

پشاور(سٹاف رپورٹر، مانیٹرنگ ڈیسک) خیبر پختونخوا کاآئندہ مالی سال کا بجٹ 19 جون کو پیش ہوگا، نئے مالی سال کے بجٹ کا حجم 860 ارب روپے سے زائد متوقع ہے، صوبائی حکومت کا قرضوں پر انحصار ہوگا۔خیبرپختونخوا کے آئندہ مالی سال کے بجٹ میں حکومت کو خسارے کا سامنا ہے، رواں مالی سال کے غیر ضروری منصوبوں و اخراجات پر کٹ لگایا جائیگا، صوبائی بجٹ کا حجم 860 ارب روپے سے زائد متوقع ہے، ا?ئندہ مالی سال کے بجٹ میں اے ڈی پی کے لیے 250 ارب روپے مختص کرنے کی تجویز ہے۔محکمہ صحت ذرائع کے مطابق کورونا کے باعث صحت کا بجٹ 11 ارب سے بڑھا 15 ارب کرنے پرغور کیا جا رہا ہے، روڈ سیکٹر کا بجٹ 23 ارب سے بڑھا کر 25 ارب تک بڑھانیکا امکان ہے، سرکاری ملازمین کی تنخواہوں اور پنشن میں اضافہ نہ کرنے کا فیصلہ بھی کیا گیا ہے، ذرائع کیمطابق صحت انصاف کارڈ کا دائرہ صوبہ بھر میں پھیلانے کے لیے 16 ارب روپے مختص کرنے کی تجویزبھی شامل ہے۔

خیبر پختونخوا بجٹ

مزید :

صفحہ آخر -