ناتجربہ کار سیکیورٹی گارڈ کی فائرنگ سے5سالہ بچہ جاں بحق، ملزم تھانے منتقل
جھنگ (ویب ڈیسک) پنجاب کے علاقے جھنگ میں پیٹرول پمپ پر تعینات ناتجربہ کار سیکیورٹی گارڈ کی پستول سے ہونے والے اچانک فائر کے نتیجے میں 5سالہ بچہ جاں بحق ہوگیا۔
"ایکسپریس نیوز" کے مطابق جھنگ میں قائم پیٹرول پمپ کا کیشیئر اپنے بچے کو گھر سے ساتھ کام پر لایا تو اس دوران بچے کو کھیلنے کے دوران گولی لگی۔پمپ ملازمین کے مطابق سیکیورٹی گارڈ گن کو صاف کررہا تھا کہ اسی دوران اچانک غلطی سے فائر ہوگیا جس کے نتیجے میں گولی پستول سے نکل کر سیدھی بچے کو لگی۔
5سالہ بچہ موقع پر ہی جاں بحق ہوگیا جس کی لاش کو ضابطے کی کارروائی کے بعد لواحقین کے حوالے کردیا گیا۔ اُدھر واقعے کے بعد پولیس نے پیٹرول پمپ پر تعینات سیکیورٹی گارڈ کو حراست میں لے کر تھانے منتقل کردیا۔
