تربت میں پولیس چوکی پر حملہ، 3 اہلکاروں کو یرغمال بنا لیا گیا
سورس: File Photo
تربت (ویب ڈیسک) بلوچستان کے ضلع تربت میں مسلح افراد نے پولیس چوکی پر حملہ کیا اور سرکاری اسلحہ چھیننے کے بعد 3 اہلکاروں کو یرغمال بنا لیا۔حملے میں پولیس اہلکاروں کو یرغمال بنائے جانے کی واردات کی حکام نے تصدیق کی۔
"ڈان نیوز "کے مطابق مسلح افراد سنگانی سرمومن پولیس چوکی پر پہنچے اور پولیس اہلکاروں کو گن پوائنٹ پر اپنے ہمراہ لے گئے، یرغمال بنائے گئے اہلکاروں کی شناخت نعیم، ندیم اور سمیر کے ناموں سے ہوئی، حملہ آوروں نے پولیس اہلکاروں سے 2 سب مشین گنیں اور میگزین بھی چھین لیے۔واقعے کی اطلاع ملتے ہی پولیس اور سیکیورٹی اہلکار جائے وقوعہ پر پہنچے اور سرچ آپریشن شروع کیا۔
