یہ بھی بتلا دیں 

     عید آئی اور گزر بھی گئی  اور عید کے ایام پر امن گزرے اور یقینا کسی بھی جگہ کوئی ناخوشگوار واقعہ پیش نہیں آیا اور یقینا عید پہ امن قائم رکھنے پہ پاک فوج اور پاک پولیس کے جوانوں کو خراج تحسین پیش کیا جا نا چاہیے اور یہ بھی بتلا دیں کہ عید سے قبل ماہ رمضان میں وفاقی دارالحکومت جانے کا اتفاق ہوا اور وفاقی دارالحکومت میں ہمیں یہ دیکھ کے حیرانی ہوئی کہ جگہ جگہ پولیس ناکے موجود ہیں اس سے قبل جناب شیخ رشید صاحب جب وزیر تھے تو انہوں نے وفاقی دارالحکومت میں جگہ جگہ لگائے جانے والے ناکوں کو ختم کر دیا تھا اور سب سے حیرانی کی بات تھی کہ شہر اقتدار میں جگہ جگہ ناکے ہونے کے باوجود بھی  شہر اقتدار میں جرائم کی بھرمار ہے۔  وفاقی دارالحکومت میں ہمارے پیارے بھائی خرم ملک جو مقامی ٹی وی کے ساتھ وابستہ ہیں نے بھی اپنی ماہانہ رپورٹ پیش کی جس کے مطابق وفاقی دارالحکومت میں جرائم  میں خطرناک  حد تک اضافہ ہو ا ہے اور روزانہ جرائم کی تعداد میں متواتر اضافہ ہو رہا ہے اور یقینا ملک بھر میں جرائم کی بھرمار ہے اور کچھ روز قبل کراچی میں ایک ویڈیو وائرل ہوئی سوشل میڈیا پہ جس میں شہریوں نے ڈاکو کو گولی مار کے ہلاک کر دیا۔یقینا یہ بات بھی باعث تشویش ہے کہ ملک بھر میں پولیس جرائم کی شرح پہ قابو پانے میں ناکام ہے اور ڈکیتوں کے ہاتھوں ستائے عوام موقع پہ ہی ڈاکوؤں کو سزا دینے کے لئے تیار ہیں اور سندھ میں بھی کچے کے ڈاکوؤں نے عوام کا جینا حرام کیا ہوا ہے ۔کچے کے ڈاکوؤں سے بھی نجات ضروری ہے تو دوستوں ہم بات کر رہے تھے شہر اقتدار کی اور شہر اقتدار میں بڑھتے ہوئے جرائم کی تو یقینا یہ لمحہ فکریہ ہے شہر اقتدار کے اعلیٰ حکام کے لئے یقینا وفاقی دارالحکومت  میں جرائم کی روک تھام کے لئے موثر اور ٹھوس اقدامات کرنے کی ضرورت ہے تاکہ شہر اقتدار کے باسیوں کو سکھ کا سانس آئے۔جی دوستو اب بات کرتے ہیں بجلی کی اور بجلی چوری کرنے والوں کی تو وزیر داخلہ جناب محسن نقوی نے برملا کہا ہے کہ لیسکو  اہلکاروں کی طرف سے عوام کو بجلی کے زائد بل بھجوائے گئے جو کہ یقینا انتہائی تشویش ناک خبر ہے پہلے ہی عوام کو مہنگی بجلی دی جا رہی ہے اور سونے پہ سہاگہ عوام کو بجلی کے حقیقی بلوں سے زائد بل بھیجے جا رہے ہیں جو کہ عوام کے ساتھ یقینا زیادتی ہے اور عوام کو ڈکیتوں کے ساتھ ساتھ بجلی چوروں اور بجلی کے زائد بل بھیجنے والوں سے بھی نجات دلوائی جائے تاکہ پاکستانی عوام سچے دل سے حکومت کی ترقی و کامیابی کے لئے دعا کر سکے تو بہر حال اجازت دوستوں ملتے ہیں جلد بریک کے بعد تو چلتے چلتے اللہ نگہبان رب راکھا۔