سندھ پولیس کے 4 اہلکار بھتہ خوری کے الزام میں گرفتار

گھوٹکی (ڈیلی پاکستان آن لائن) ڈہرکی کے علاقے میں بھتہ خوری میں ملوث 4 پولیس اہلکاروں کو گرفتار کرلیا گیا۔
ایس ایس پی گھوٹکی سمیر نور کے مطابق چاروں اہلکاروں کے خلاف مقدمہ بھی درج کر لیا گیا ہے، چاروں اہلکار سماجی برائیوں کی سرپرستی اور شہریوں کوہراساں کرکے بھتہ وصول کرتے تھے، چاروں پولیس اہلکاروں کو حوالات میں بند کردیا ہے۔ شہریوں کی شکایت پر تحقیقات کے بعد کارروائی کی گئی ، چاروں پولیس اہلکاروں کا سی آئی اے سے تعلق ہے، اہلکاروں میں ہیڈ کانسٹیبل علی اکبر بھٹو،کانسٹیبل ربڈنو مہر، کانسٹیبل محمد ابراہیم مہر اور کانسٹیبل اخلاق احمد پتافی شامل ہیں۔ پولیس اہلکاروں کے خلاف شہری کی مدعیت میں مقدمہ درج کیا گیا ہے، ملزمان شہری کو بلیک میل کرکے رقم بٹور رہے تھے۔