معروف ٹی وی اداکار راشد محمود کی محتسب پنجاب سے ملاقات،خصوصی پیغام بھی ریکارڈ کروایا

لاہور (ڈیلی پاکستان آن لائن )  معروف ٹی وی اداکار راشد محمود نے آج دفتر محتسب پنجاب کا دورہ کیا۔انہوں نے محتسب پنجاب سے ملاقات کی اورسرکاری دفاتر سے متعلقہ عوامی مشکلات کے حل میں دفتر محتسب پنجاب کے فعال کردار کو سراہا۔راشد محمود نے عوامی تکالیف کے ازالہ میں دفتر محتسب پنجاب کے کردار پر اپنا خصوصی پیغام بھی ریکارڈ کروایا اور لوگوں سے کہاکہ وہ سرکاری دفاتر اور عمال سے متعلقہ مسائل و تکالیف کے حل اور مفت اور فوری ریلیف کے حصول کیلئے دفتر محتسب پنجاب کے ضلعی سطح پر قائم نیٹ ورک سے بھرپور فائدہ اٹھائیں۔انہوں نے اس بات کو سراہا کہ دفتر محتسب پنجاب   ہیلپ لائن 1050کے ذریعے لوگوں کو مؤثر اندار میں گائیڈ کر رہا ہے۔
اس موقع پر سیکرٹری دفتر محتسب پنجاب قیصر سلیم نے اداکار راشد محمود کو سوینئر پیش کیا۔