"یاد ماضی عذاب ہے یا رب" کامران خان نے ن لیگی قائدین کی پرانی ویڈیو شیئر کرتے ہوئے نواز شریف کی تقریر کو کاغذ کا ٹکڑا قرار دے دیا
کراچی(ڈیلی پاکستان آن لائن)پاکستان پیپلز پارٹی کی اسلام آباد میں منعقدہ اے پی سی نے ملکی سیاست میں تہلکہ برپا کیا ہوا ہے ،میاں نواز شریف ، آصف زرداری اورمولانا فضل الرحمان کی اےپی سی میں کی جانےوالی تقاریر پر حکومتی وزرا اور ترجمانوں سمیت ٹی وی تجزیہ کار بھی اپنے اپنے انداز میں تبصرے کرنے میں مصروف ہیں، ایسے میں سینئر صحافی اور ٹی وی اینکر کامران خان ایک بار پھر میدان میں آئے ہیں اور آل پارٹیز کانفرنس میں ہونے والی تقاریر پر ایسا تبصرہ کیا ہے کہ حکومت مخالف رہنما بھی دنگ رہ جائیں گے۔
تفصیلات کے مطابق اپوزیشن کی اے پی سی پر تبصرہ کرتے ہوئے سینئر صحافی کامران خان نے مائیکرو بلاگنگ ویب سائٹ پر ایک ویڈیو شیئر کرتے ہوئے کہا ہے کہ " زندگی بھر کا صحافتی تجربہ کہتا ہے اے پی سی میں کی جانے والی تقاریر بشمول نواز شریف کی تقریر کی ویلیو کاغذ کے ٹکڑے سے زیادہ نہیں جن پروہ لکھی گئی، کاش آج وہ شہباز شریف ان تقاریر پر عوام سے معافی مانگتے، جہاں اُنہوں نے عوام کو ورغلایا، کھلا جھوٹ بولا یا اپنے نظریات بیچ ڈالے، یہ وڈیو دیکھیں!۔
زندگی بھر کا صحافتی تجربہ کہتا ہے APC میں کی جانے والی تقاریر بشمول نواز شریف کی تقریر کی value کاغذ کے ٹکڑے سے زیادہ نہیں جن پروہ لکھی گئ کاش آج وہ شہباز شریف ان تقاریر پر عوام سے معافی مانگتے جہاں انہوں نے عوام کو ورغلایا کھلا جھوٹ بولا یا اپنے نظریات بیچ ڈالے یہ وڈیو دیکھیں! pic.twitter.com/xrEuWj1t5R
— Kamran Khan (@AajKamranKhan) September 20, 2020
انہوں نے اپنے دوسرے ٹویٹ میں انہوں نے کہا کہ سلیم صافی جہان دیدہ صحافی ہیں یہاں وہ APC جذباتی تقاریر میں حقیقت ڈرامہ بازی جانچنے کا پیمانہ تجویز کررہے ہیں، دودھ کا دودھ پانی کاُپانی ہوجائے، نواز لیگ ، پی پی پی پنجاب ،سندھ اسمبلی ، قومی اسمبلی سے استعفے دیں، نواز شریف پہلی فلائٹ سے اسلام آبادآ کر حکومت کو گرا سکتے ہیں تو گرادیں۔
