افغانستان میں صدارتی محل پر دہشتگردوںکا راکٹوں سے حملہ، جوابی کارروائی میں 2 ہلاک

افغانستان میں صدارتی محل پر دہشتگردوںکا راکٹوں سے حملہ، جوابی کارروائی میں 2 ...
افغانستان میں صدارتی محل پر دہشتگردوںکا راکٹوں سے حملہ، جوابی کارروائی میں 2 ہلاک

  

کابل(ڈیلی پاکستان آن لائن)افغانستان کے دارالحکومت کابل میں صدارتی محل پر دہشتگردوں نے راکٹوں سے حملہ کر دیا ،افغان سکیورٹی فورسز کی جوابی کارروائی میں دو دہشتگرد مارے گئے۔

افغان میڈیا کے مطابق صدارتی محل پر حملہ اس وقت کیا گیا جب افغان صدر اشرف غنی عیدالاضحی کی تقریب سے خطاب کر رہے تھے ۔

حملے کے بعد سکیورٹی فورسز نے علاقے کو گھیرے میں لے لیا اور جھڑپ میں 2 دہشتگرد مارے گئے تاہم افغان فورسز اور دہشتگردوں کے درمیان جھڑپیں جاری ہیں۔

اس موقع افغان صدر اشرف غنی نے کہا ہے کہ جو گروپ دہشتگردی اور تشدد سے پرامن ماحول کو خراب کرنے کی کوشش کر رہے ہیں وہ جان لیں کہ افغانستان کے لوگوں کی ترقی کو نہیں روکا جا سکتا۔

مزید : اہم خبریں /بین الاقوامی