”رونچی پوچھ رہا ہے آپ کا۔۔۔“ محمد عامر نے کوئٹہ گلیڈی ایٹرز کو جیتنے پر مبارکباد دی تو صارف نے رونچی کا نام لے لیا، پھر محمد عامر نے آگے سے کیا جواب دیا؟ سوشل میڈیا پر دھوم مچ گئی

”رونچی پوچھ رہا ہے آپ کا۔۔۔“ محمد عامر نے کوئٹہ گلیڈی ایٹرز کو جیتنے پر ...

لاہور (ڈیلی پاکستان آن لائن) پاکستان سپر لیگ (پی ایس ایل) تھری کے لیگ مرحلہ کا آخری میچ کراچی کنگز اور اسلام آباد یونائیٹڈ کے مداحوں کے علاوہ ہر پاکستانی کو تادم حیات یاد رہے گا کیونکہ اس میچ میں لیوک رونچی نے طوفانی بیٹنگ کرتے ہوئے 94 رنز بنائے۔

یہ بھی پڑھیں۔۔۔کوئٹہ گلیڈی ایٹرز کی شکست پر سٹیڈیم میں رونے والی یہ لڑکی کون ہے؟ بالآخر اس سوال کا جواب مل گیا جو سب پاکستانی جاننا چاہتے ہیں 

محمد عامر ہوں، یا عثمان خان شنواری یا پھر شاہد آفریدی، کوئی بھی رونچی کو قابو نہ کر سکا اور جو بھی ان کے سامنے آیا خوب دھلائی کے بعد ہی واپس گیا۔ شائقین کرکٹ بالخصوص اس بات پر حیران تھے کہ محمد عامر جیسا فاسٹ باﺅلر اور شاہد آفریدی جیسا تجربہ کار سپنر بھی ان کے بلے سے نکلنے والے رنز کے سیلاب کو نہ روک سکا اور یہی وجہ ہے کہ محمد عامر نے جب پشاور زلمی کو پہلا پلے آف میچ جیتنے پر مبارکباد دی تو ایک پاکستانی نے رونچی کا نام لے کر انہیں چھیڑ ڈالا۔

یہ بھی پڑھیں۔۔۔کراچی کنگز کو ایک اور جھٹکا لگ گیا، شاہد آفریدی کے بعد عماد وسیم بھی باہر ہو گئے، ٹیم کا کپتان ایسے کھلاڑی کو بنا دیا گیا کہ کوئی پاکستانی سوچ بھی نہیں سکتا تھا ، جان کر آپ بے اختیار کہہ اٹھیں گے ”فائنل کراچی میں ہو گا مگر کراچی فائنل میں نہیں ہو گا“ 

پشاور زلمی اور کوئٹہ گلیڈی ایٹرز کے درمیان کھیلا گیا میچ انتہائی سنسنی خیز رہا جس میں پشاور زلمی نے ایک سکور سے کامیابی حاصل کی اور اس میچ کی سنسنی خیزی سے محمد عامر بھی خوب لطف اندوز ہوئے جنہوں نے ٹوئٹر پر جاری پیغام میں لکھا ”کیا کمال کا کرکٹ میچ ہوا ہے، لڑکوں یہ ہے پی ایس ایل۔۔۔“

ان کا یہ پیغام سامنے آتے ہی ایک پاکستانی نے شرارت سے بھرپور اور دلچسپ جواب دیتے ہوئے لکھا ”رونچی پوچھ رہا ہے آپ کا۔“

محمد عامر بھی کہاں چپ رہنے والے تھے انہوں نے فوراً جواب دیتے ہوئے لکھا ”بولو تیار رہے“

مزید : کھیل /PSL /PSL News Update

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...