اداروں اور عوام میں اتنا فاصلہ کبھی نہیں دیکھا،"ترپ کا پتہ" آپ نے جیل میں ڈالا ہوا ہے: علی محمد خان

اسلام آباد ( ڈیلی پاکستان آن لائن )  تحریک انصاف کے رہنما علی محمد خان نے کہا  ہے کہ ترپ کا پتہ آپ نے جیل میں ڈالا ہوا ہے، اداروں اور عوام میں اتنا فاصلہ کبھی نہیں دیکھا۔

"جیو نیوز" کے پروگرام" کیپٹل ٹاک "میں میزبان سے گفتگو کرتے ہوئے علی محمد خان کا کہنا تھا کہ کچھ چیزوں پر ہمیں بانی پی ٹی آئی کی اجازت کی ضرورت ہوتی ہے، آپریشنز میں ہمارے نوجوان قربانیاں دے رہے ہیں ہمارے دل زخمی ہیں۔ 

انھوں نے کہا کہ ترپ کا پتہ آپ نے جیل میں ڈالا ہوا ہے، اجلاس میں جاتے تو وہاں بانی پی ٹی آئی کا کیس مضبوطی سے لڑتے۔  کیا پرول پر بانی پی ٹی آئی کو اجلاس میں نہیں لایا جاسکتا تھا؟ جو آئین پاکستان کو مانتے ہیں ان سب کو اجلاس میں لانے کی ضرورت تھی۔حکومت نے بانی پی ٹی آئی کو اجلاس سے باہر رکھ کر نقصان کیا، اداروں اور عوام میں اتنا فاصلہ کبھی نہیں دیکھا، یہ ملک کا نقصان ہے۔ بانی پی ٹی آئی کو اندر رکھنے سے نقصان ملک کا ہو رہا ہے۔

پروگرام میں وفاقی وزیر ریلوے حنیف عباسی نے بھی شرکت کی ۔