سول ایوی ایشن اتھارٹی نے فلائٹ آپریشن سے متعلق اعلامیہ جاری کردیا

کراچی (ڈیلی پاکستان آن لائن) سول ایوی ایشن اتھارٹی نے اسلام آباد سمیت ملک بھر میں فلائٹ آپریشن سےمتعلق اعلامیہ جاری کردیا ہے۔ 

سی اے اے اعلامیے کے مطابق اسلام آباد سمیت ملک بھر میں فلائٹ آپریشن معمول کے مطابق جاری رہے گا، اعلامیے میں کہا گیا کہ بین الاقوامی پروازوں کے مسافروں کو اسلام آباد ایئرپورٹ پر روکنے کی افواہیں سراسر جھوٹ اور بےبنیاد ہیں۔سی اے اے نے سوشل میڈیا پر زیر گردش خبروں کو فیک نیوز قرار دے کر مسترد کردیا۔جیو نیوز کے مطابق سی اے اے نے جھوٹی خبریں پھیلانے والے اکاؤنٹس کے خلاف قانونی کارروائی کا آغاز بھی کردیا ہے۔