اسلام میں دہشت گردی کی کوئی گنجائش نہیں: شافع حسین
لاہور (ڈیلی پاکستان آن لائن )صوبائی وزیرِ اوقاف پنجاب شافع حسین کا کہنا ہے کہ ملک کو امن عامہ اور دہشت گردی کی صورتحال کا سامنا ہے۔
روز نامہ جنگ کے مطابق وزیر اوقاف پنجاب شافع حسین سے چیئرمین مرکزی رویت ہلال کمیٹی مولانا عبدالخبیر آزاد کی ملاقات ہوئی جس میں امن وامان کی صورتحال، محکمہ اوقاف کے امور اور بھائی چارے کے جذبات کے فروغ پر گفتگو کی گئی۔
شافع حسین نے کہا کہ دہشت گردی کے خلاف جنگ میں پاک فوج، سکیورٹی اداروں اور معاشرے کے ہر طبقے نے قربانی دی ہے۔
ان کا کہنا ہے کہ دین اسلام میں دہشت گردی کی کوئی گنجائش نہیں، اتحاد کی قوت سے ہی انسانیت کے دشمنوں کو شکست دی جا سکتی ہے۔
انہوں نے یہ بھی کہا کہ امن کے دشمنوں کے ناپاک عزائم خاک میں ملانے کے لئے پوری قوم کو متحد ہونا ہو گا، مساجد اور مزارات کی تزئین و آرائش کی سکیموں پر تیزی سے کام جاری ہے۔
