آزادکشمیر پاکستان کادفاعی حصار ،  نیلم ویلی کو بے دردی سے لوٹنے والوں کاکڑااحتساب کرینگے:سردار تنویر الیاس

آزادکشمیر پاکستان کادفاعی حصار ،  نیلم ویلی کو بے دردی سے لوٹنے والوں ...
آزادکشمیر پاکستان کادفاعی حصار ،  نیلم ویلی کو بے دردی سے لوٹنے والوں کاکڑااحتساب کرینگے:سردار تنویر الیاس

  

نیلم(ڈیلی پاکستان آن لائن)آزاد کشمیر کے موسٹ سینئر وزیر، فزیکل پلاننگ اینڈ ڈویلپمنٹ اور حکمران جماعت پاکستان تحریک انصاف(پی ٹی آئی) سردار تنویر الیاس خان نے کہاہے کہ پاکستان کی سلامتی اوردفاع کیلئے نیلم سے بھمبر تک کسی بھی قربانی سے دریغ نہیں کرینگے،آزادکشمیر پاکستان کادفاعی حصار ہے،معدنیات سے مالامال نیلم ویلی کو بے دردی سے لوٹنے والوں کاکڑااحتساب کرینگے،ضلع نیلم کی ترقی حکومت کی اولین ترجیحات میں شامل ہے،وزیر اعظم پاکستان عمران خان نیلم کی ترقی میں خصوصی دلچسپی لے رہے ہیں،نیلم میں پی ٹی آئی کی مقامی قیادت کومشاورت میں شامل رکھیں گے۔

ان خیالات کااظہار انہوں نے شاردہ بوائز ڈگری کالج کے گراؤنڈ میں ایک بڑے عوامی اجتماع سے خطاب کرتے ہوئےسردار تنویر الیاس خان نے پانچ سرکاری سکولوں کو اپ گریڈ، شاردہ میں خوبصورت گیسٹ ہاؤس کی بلڈنگ، پریس کلب کی بلڈنگ، تاؤبٹ میں بی ایچ یو کی تعمیر، طلبہ کومفت کتب کی فراہمی سمیت سفاری پارک کی تعمیر، شاردہ میں رابطہ پل کی تعمیر، شاردہ میں موزیم کی تعمیر کااعلان کرتے ہوئے کہاکہ پی ٹی آئی کی مقامی قیادت اور کارکن آپس میں اتفاق واتحاد قائم رکھیں۔

عوامی جلسےسےجنرل سیکرٹری پاکستان تحریک انصاف آزاد کشمیر وچئیرمین وزیراعظم عملدرآمد کمیشن راجہ منصورخان،ممبر اسمبلی و پارلیمانی سیکرٹری پیرمظہرسعید شاہ،ممبر اسمبلی تقدیس گیلانی،سابق وزیر الحاج سردار گل خنداں،سابق امیدوار اسمبلی راجہ الیاس خان،میاں اخلاق الرسول مرکزی ڈپٹی جنرل سیکرٹری سردار محمد اسرائیل قاضی،ممبران گورننگ باڈی سردار مرتضیٰ، سردار ارشاد محمود، ذوالفقار عباسی، راجہ سبیل، آسیہ رفیق ایڈووکیٹ،شمائلہ حیدر، ضلعی صدر تحریک انصاف نیلم سید صداقت حسین شاہ،سابق ایڈمنسٹریٹر عبدالرشید خان، خاتون رہنما لائبہ کوثر و دیگرنے بھی خطاب کیا۔  مرکزی ڈپٹی جنرل سیکرٹری سردار محمد اسرائیل قاضی نے جلسے کی میزبانی کرتے ہوئےموسٹ سینئر وزیرسردار تنویر الیاس، راجہ منصور خان، ممبران گورننگ باڈی و دیگر مہمانان کا  غازیوں اور شہداء کی سرزمین ملکہ حسن وادی نیلم آمد پر شکریہ ادا کرتے ہوئے نیلم کے لوگوں کے مطالبات سامنے رکھے۔ عوامی اجتماع سےموسٹ سینئر وزیرسردار تنویر الیاس نےکہاکہ نیلم ویلی کےلوگ لائن آف کنٹرول(ایل او سی)کےاس طرف سیسہ پلائی ہوئی دیوار کی طرح دشمن کے مقابلے میں کھڑے، اس شجاعت اور جرات پرہم ان کو خراج تحسین پیش کرتے ہیں،بھمبر سے تاؤبٹ تک کشمیر کے عوام پاک افواج کیساتھ کھڑے ہیں، نیلم کے عوام ہمیشہ پاک فوج کاہراول دستہ رہے ہیں۔

انہوں نےکہاکہ ہمارے قائدوزیراعظم پاکستان عمران خان اور ہم سب ان کے کارکن ہیں، ہم سب لوگوں کوایک پلیٹ فارم پراکھٹا ہونا چائیے، وزیراعظم آزادکشمیر سردار عبدالقیوم خان نیازی نیلم ویلی کی خصوصی تعمیروترقی کیلئے ٹھوس اور جامع اقدامات عمل میں لانے پر یقین رکھتے ہیں،شاردہ میں وزارت سیاحت کے زیراہتمام ایک عالی شان بلڈنگ تعمیر کرائی جائے گی جس کاافتتاح وزیراعظم پاکستان عمران خان کرینگے، شاردہ میں ایک میوزیم تعمیر کرائیں گئے،شاردہ میں پختہ رابطہ میں تعمیر ہوگا،جس کی یہاں ناگزیر ضرورت ہے۔

سنیئر وزیر سردار الیاس تنویر خان نے کہاکہ پانچ سکولوں کواپ گریڈ کرنے کااعلان کیاجاچکاہے، شاردہ میں ایک سفاری پارک تعمیر کرایاجائیگا، این او سی کے بغیر شاردہ میں کوئی بلڈنگ نہیں بنے گی، اس کے لیے نیلم ترقیاتی ادارہ بورڈ میں ایک آرٹیکلچرانجینئر تعینات ہوگا،دریائے نیلم کو سیوریج کاپانی جانے سے روکنے کے لیے اقدامات عمل میں لائیں گئے اور یہاں پر سیوریج ٹریٹمنٹ پلانٹ تعمیر ہوں گئے، نیلم ضلع میں صفائی کویقینی بنانے کے لیے ٹھوس اقدامات عمل میں لائیں گئے، یہاں سیوریج کے لیے ٹھوس اقدامات عمل میں لائیں گئے،گندگی پھیلانے والے کو پانچ ہزار سے پندرہ ہزار اور تین ماہ قید تک کی سزا ہوسکتی ہے۔

انہوں نے کہاکہ سبزدرختوں کی کٹائی پرمکمل پابندی ہے اور خشک درختوں کی فراہمی کے لیے ڈپٹی کمشنر، کالج پرنسپل، ڈی ایف او اور مقامی شہری کمیٹی کانمائندہ ہوگا۔ اکلاس کے ریٹائرڈ متاثرہ ملازمین کو حکومت کسی اور مد سے بقایاجات اداکریگی۔ انہوں نے کہاکہ نیلم میں بجلی کی پیدوار کا خصوصی پراجیکٹ لگائے اور اس سے حاصل شدہ بجلی پر سبسڈی کی فراہمی کیلئے معاملہ کابینہ میں لے جایاجائے گا۔ انہوں نے کہاکہ یہاں لوگوں کو متبادل ذرائع کی فراہمی سے جنگلوں کے تحفظ میں بڑی مدد ملے گی، نیلم ضلع جملہ تعمیر وترقی کیلئے پی ٹی آئی کے ٹکٹ ہولڈر ز پرمشتمل کمیٹی بناکر ان کی مشاورت سے پراجیکٹس بنائے جائیں گئے۔

مزید :

علاقائی -آزاد کشمیر -نیلم -