اسلام آباد ہائیکورٹ بار کی ایمان مزاری اور ہادی علی چٹھہ کی گرفتاری کی مذمت
اسلام آباد (ڈیلی پاکستان آن لائن)اسلام آباد ہائیکورٹ بار نے وکلا رہنماؤں ایمان مزاری اور ہادی علی چٹھہ کی گرفتاری کی سخت مذمت کی ہے۔ بار کے سیکرٹری شفقت عباس تارڑ نے ایک اعلامیہ جاری کرتے ہوئے دونوں رہنماؤں کی فوری رہائی کا مطالبہ کیا۔
انہوں نے کہا کہ "ایمان مزاری اور ہادی علی چٹھہ کی گرفتاری ناقابل قبول ہے اور ہم ان کی رہائی کا مطالبہ کرتے ہیں۔" سیکرٹری ہائیکورٹ بار نے مزید کہا کہ پولیس انتظامیہ کے من گھڑت اقدامات کے خلاف وکلا کے ساتھ کھڑے رہیں گے۔
