راولپنڈی سے ملتان جانے والی تھل ایکسپریس بڑے حادثے سے بچ گئی
میانوالی (ڈیلی پاکستان آن لائن)راولپنڈی سے ملتان جانے والی تھل ایکسپریس بڑے حادثے سے بچ گئی۔ ٹرین کی کچھ بوگیاں میانوالی ریلوے اسٹیشن کے قریب پٹڑی سے اتریں۔خوش قسمتی سے حادثے میں کوئی بوگی الٹی اور نہ ہی کوئی جانی نقصان ہوا، تمام مسافر محفوظ رہے۔حادثے کے بعد مسافروں کی جانب سے بنائی گئی ویڈیوز سے لگتا ہے کہ بوگیاں فش پلیٹیں اکھڑنے کی وجہ سے پٹڑی سے اتریں۔
ٹرین رکی تو خوفزدہ مسافر نیچے اتر آئے جبکہ ریلوے انتظامیہ موقع پر پہنچی۔
