ڈرامہ سیریل’’دعائیں‘‘ جلد آن ائیر ہوگی،کامران جیلانی

لاہور(فلم رپورٹر) نئی ڈرامہ سیریل ’’دعائیں ‘‘مکمل ہوگئی اور جلد آن ائیر ہوگی۔اس ڈرامہ سیریل کو عامر یوسف نے ڈائریکٹ کیا ہے جبکہ اس کے دیگر نمایاں فنکاروں فردوس جمال،صباء فیصل ،آمنہ ملک،زرنش خان ،رضیہ ملک،عمران پیرزادہ اورسونیاشامل ہیں۔اس ڈرامے میں ملک کے اور بھی نامور فنکار کام کرتے ہوئے نظر آئیں گے۔ ’’پاکستان‘‘ سے گفتگو کرتے ہوئے کامران جیلانی نے بتایا کہ ’’دعائیں‘‘ورکنگ ٹائٹل ہے شاید اس پراجیکٹ کا نام آن ائیر سے قبل تبدیل ہوجائے ۔ایک سوال کے جواب میں انہوں نے بتایا کہ حال ہی میں انعام شاہ کی لکھی ہوئی پروڈیوسرز اختر حسنین اور عدنان صدیقی کی ڈرامہ سیریل’’پجارن‘‘ نجی چینل سے آن ائیرہے۔

جبکہ ڈائریکٹر اسد جبل کی ڈرامہ سیریل ’’روشنی‘‘بھی ان دنوں آن ائیر ہے۔ان تمام ڈراموں میں میرے کردار پاور فل ہونے کے ساتھ ساتھ پرفارمنس سے بھرپورہیں۔