فلائی جناح کا احسن اقدام، لاہور اور ریاض کے درمیان براہ راست پروازوں کا آغاز
فلائی جناح، پاکستان کی کم لاگت والی ایئر لائن، اپنے بین الاقوامی نیٹ ورک کو وسعت دیتے ہوئے سعودی عرب کے شہر ریاض سے لاہور کو جوڑنے والی نئی ڈائریکٹ پروازوں کا آغاز کر رہی ہے۔
15 نومبر سے یہ نیا روٹ پیر اور جمعہ کو ہفتے میں دو بار چلایا جائے گا۔ 6 دسمبر سے، پروازوں کی تعداد بڑھا کر ہفتے میں تین کر دی جائے گی، جس میں اتوار کا دن بھی شامل ہوگا تاکہ دونوں شہروں کے درمیان مزید بہتر رابطہ قائم کیا جا سکے۔
علامہ اقبال انٹرنیشنل ایئرپورٹ اور کنگ خالد انٹرنیشنل ایئرپورٹ کے درمیان پرواز کا شیڈول، 15 نومبر 2024 سے نافذ العمل ہوگا :
فلائی جناح کے ترجمان نےتبصرہ کرتے ہوئے بتایا کہ: "لاہور سے ریاض کے لئے ہمارے نئے روٹ کا آغاز ہمارے مسافروں کو آرام دہ اور آسان سفری سہولتیں فراہم کرنے کے عزم کو ظاہر کرتا ہے۔ اس اضافے سے مسافروں کو مزید سہولت اور کم لاگت سفر فراہم کیا جا رہا ہے جبکہ دونوں ممالک کے درمیان رابطے کو مضبوط بنانے، اور اقتصادی تعاون اور تجارت کو فروغ دینے کی راہ ہموار کی جا رہی ہے۔
یہ اضافہ فلائی جناح کی خلیجی خطے میں مسلسل ترقی کا عکاس ہے۔ سعودی عرب کے شہر ریاض کے لیے ان نئی ڈائریکٹ پروازوں کے علاوہ، ایئر لائن لاہور سے شارجہ تک پروازیں بھی چلاتی ہے، اور اسلام آباد سے بحرین، مسقط اور شارجہ کے لیے خدمات فراہم کرتی ہے۔
پانچ جدید ایئر بس A320 طیاروں پر مشتمل، فلائی جناح پاکستان کے پانچ بڑے شہروں کراچی، لاہور، اسلام آباد، پشاور، اور کوئٹہ میں خدمات فراہم کرتی ہے۔ ایئر لائن اپنے نیٹ ورک کو وسعت دیتے ہوئے اپنے صارفین کو بہترین خدمات اور قدر پر مبنی سہولتیں فراہم کرنے کے عزم پر قائم ہے۔
سب سے زیادہ کشادہ نشستوں کے ساتھ اضافی آرام فراہم کرنے کے علاوہ، فلائی جناح اپنے مسافروں کو "سکائی کیفے" آن بورڈ مینیو کے ذریعے کم قیمت پر مبنی سفری تجربہ فراہم کرتا ہے، جہاں مسافر مناسب قیمتوں پر اسنیکس، سینڈوچز، اور کھانوں کی وسیع اقسام سے لطف اندوز ہو سکتے ہیں۔ طیارے میں "سکائی ٹائم" ایک مفت ان-فلائٹ اسٹریمنگ سروس بھی موجود ہے، جس کے ذریعے مسافر اپنے ڈیوائسز پر مختلف تفریحی مواد براہ راست اسٹریمنگ کر سکتے ہیں۔
صارفین اب اپنی پروازیں فلائی جناح کی ویب سائٹ (www.flyjinnah.com ) پر جا کر، کال سینٹر (035-000-111) پر کال کر کے، یا ٹریول ایجنسیوں کے ذریعے بُک کر سکتے ہیں۔
فلائی جناح (FJ) کے بارے میں معلومات
"فلائی جناح" ایک پاکستانی نجی مشترکہ سرمایہ کاری کی کم لاگت ایئرلائن ہے۔ کراچی میں قائم فلائی جناح، ایئر عربیہ کے کامیاب کم لاگت کاروباری ماڈل کی پیروی کرتی ہے، جس کا مقصد مسافروں کو آرام، اعتماد اور سہولت کے عوض فضائی سفر فراہم کرنا ہے۔
مزید معلومات کے لیے:
