کرین کے ذریعے چھت سے اتارا جانے والا بیل زمین پر آگرا، پھر مالک نے کیا کیا؟ دل دہلا دینے والی ویڈیو سوشل میڈیا پر وائرل
کراچی (ڈیلی پاکستان آن لائن) شہر قائد کے علاقے سرجانی ٹاؤن میں گھر کی چھت سے کرین کے ذریعے نیچے اتارا جانے والا بیل زمین پر آگرا۔
سوشل میڈیا پر وائرل ویڈیو میں دیکھا جاسکتا ہے کہ ایک بیل کو گھر کی دوسری منزل سے بڑی کرین کے ذریعے نیچے اتارا جارہا ہوتا ہے کہ اسی دوران بیل کے پیٹ پر باندھی گئی رسی سے قربانی کا یہ جانور توازن کھو بیٹھتا ہے اور دھڑام سے نیچے آگرتا ہے۔
بیل زمین پر گرتے ہی بے سدھ ہوگیا جس پر مالک نے عقلمندی کا مظاہرہ کرتے ہوئے اسے فوری طور پر حلال کرلیا۔ واقعہ سرجانی ٹاؤن کے علاقے سیکٹر فائیو ڈی میں پیش آیا جس کی ویڈیو سوشل میڈیا پر خوب وائرل ہورہی ہے۔
*بریکنگ نیوز*
— RegionalTelegraph (@RegnlTelegraph) August 1, 2020
سرجانی سیکٹر فائیو ڈی قربانی کا جانور کرین سے گرگیا
قربانی کے جانور کو دوسری منزل سے کرین کی مدد سے اتارا جا رہا تھا
قربانی کا جانور ان بیلنس ہو کر گرگیا
بیل کے گرنے کی وڈیو سوشل میڈیا پر وائرل
قربانی کے جانور کے گرتے ہی مالک نے زبح کر دیا pic.twitter.com/SWKKvti20R
