تنظیم سکھ فارجسٹس نے بھارت سے علیٰحدگی کا مطالبہ کر دیا،23مارچ سے ریفرنڈم کا آغاز

واشنگٹن ( ڈیلی پاکستان آن لائن ) سکھوں کی نامور تنظیم سکھ فارجسٹس نے بھارت سے علیٰحدگی کا مطالبہ کر دیا، امریکا میں23مارچ سے ریفرنڈم کا آغاز کرنے کا اعلان بھی کیا۔
روز نامہ" امت "کے مطابق سکھ رہنما گرپتونت سنگھ پنوں نے کہا کہ بھارت خالصتان تحریک کے رہنماﺅں کے قتل کی منصوبہ بندی کررہا ہے، مودی حکومت امریکا اور کینیڈا میں سکھ رہنماﺅں کو قتل کرنا چاہتی ہے، کینیڈا میں اس سے پہلے ہردیپ سنگھ نجار کو قتل کیا گیا۔
گرپتونت سنگھ پنوں نے مزید کہا کہ مجھے امریکی سرزمین پر قتل کرنے کی دھمکیاں دی جارہی ہیں، ٹرمپ انتظامیہ سے درخواست ہے کہ بھارتی حکام سے فوری رابطہ کریں۔