اسرائیل نے الاقصیٰ بریگیڈ کے سابق سربراہ کو رہا کردیا

تل ابیب (ڈیلی پاکستان آن لائن )جنگ بندی معاہدے کے تحت اسرائیل اور حماس کے درمیان قیدیوں کا تبادلہ جاری ہے۔ اسرائیل نے سابق فلسطینی رہنما مجاہد زکریا زبیدی کو رہا کر دیا ، جو 2000 سے 2005 تک جنین میں الاقصیٰ بریگیڈ کے سربراہ رہے تھے۔
روز نامہ امت کے مطابق مجاہد زکریا زبیدی کو اسرائیل نے 2019 میں مسلح سرگرمیوں میں ملوث ہونے کے الزام میں گرفتار کیا تھا تاہم وہ 2021 میں اپنے پانچ دیگر ساتھیوں کے ہمراہ جیل سے فرار ہوگئے تھے لیکن بعد میں انہیں دوبارہ گرفتار کرلیا گیا۔