شاہ رخ خان کے شائستہ انداز نے دبئی کی شاپ میں لوگوں کے دل موہ لیے
دبئی (ڈیلی پاکستان آن لائن)بالی ووڈ سپر سٹار شاہ رخ خان اپنی کرشماتی آن اسکرین اور عالمی سطح پر آف سکرین اپنے پرستاروں پر اثر و رسوخ رکھنے کے حوالے سے جانے جاتے ہیں۔
حال ہی میں انہوں نے متحدہ عرب امارات میں ایک جیولری شاپ کا دورہ کیا جہاں ان کے مختصر لیکن عاجزانہ و شائستہ انداز نے لوگوں کے دل جیت لیے۔
اس جیولری شاپ کے اسٹاف نے شاہ رخ خان کے ساتھ اس خاص لمحے کی سی سی ٹی وی فوٹیج اپنے انسٹاگرام ہینڈل پر شیئر کی ہے۔
اسٹاف کے ایک رکن پرمندر سنگھ نے یہ کلپ کنگ خان اور انکی اہلیہ گوری خان کے ساتھ جیولری شاپ کے اندر بنائی، جہاں گوری خان شاپ کے اندر چلتی نظر آرہی ہیں جبکہ شاہ رخ خان کے انکے پیچھے چل رہے ہیں۔
اس دوران شاہ رخ نے ایک لمحے کو رک اسٹاف کی جانب دیکھا، جس پر اسٹاف نے ان سے محبت اور عقیدت کا اظہار کیا۔
واضح رہے کہ شاہ رخ خان، ہدایتکار سوجوئے گھوش کی آئندہ آنیوالی فلم کنگ میں نظر آئیں گے۔
