سی ٹی ڈی کی کوہاٹ میں کارروائی ، فائرنگ کے تبادلے میں 4 دہشتگرد ہلاک
ہنگو ( ڈیلی پاکستان آن لائن ) کاؤنٹر ٹیرر ازم ڈیپارٹمنٹ ( سی ٹی ڈی ) نے ہنگو کی تحصیل ٹل میں کارروائی کرتے ہوئے فائرنگ کے تبادلے کے بعد چار دہشتگردوں کو ہلاک کر دیا ۔
نجی ٹی وی دنیا نیوز کے مطابق کاؤنٹر ٹیرر ازم ڈیپارٹمنٹ نے کوہاٹ کی تحصیل ٹل ہنگو اور اس کے مضافات میں سرچ آپریشن کیا ، آپریشن سے واپسی پر ٹیم ٹل کے علاقے سے گزر رہی تھی کہ گھات لگائے دہشتگردوں نے ٹیم پر فائرنگ کر دی ، سی ٹی ڈی کی ٹیم نے فوری جوابی کارروائی کی جس میں 4 دہشتگرد ہلاک ہو گئے ۔
چاروں دہشتگردوں کا تعلق کالعدم تنظیم سے بتایا جاتا ہے ۔
