پی ایس ایل کے دوران بابر اعظم نے اہم اعزاز اپنے نام کرلیا

  لاہور  (آئی این پی )پشاور زلمی کے کپتان بابراعظم پاکستان سپر لیگ ( پی ایس ایل)  میں 50 کیچز مکمل کرنے والے پہلے کھلاڑی بن گئے  ۔یہ اعزاز انہوں نے اسلام آباد یونائیٹڈ کے خلاف کھیلے گئے میچ کے دوران حاصل کیا۔

 بابراعظم کی شاندار فیلڈنگ نے نہ صرف ان کی ٹیم کے لیے فائدہ پہنچایا بلکہ انہیں پی ایس ایل کی تاریخ میں منفرد مقام بھی دلوایا۔اس فہرست میں کیرون پولارڈ 42 کیچز کے ساتھ دوسرے نمبر پر ہیں جبکہ افتخار احمد اور محمد نواز 40، 40 کیچز کے ساتھ تیسرے نمبر پر موجود ہیں۔

 شاداب خان اور فخر زمان اب تک لیگ میں 39، 39 کیچز تھام چکے ہیں۔بابراعظم کی یہ کامیابی نہ صرف ان کی انفرادی کارکردگی کا ثبوت ہے بلکہ لیگ میں مسلسل عمدہ فیلڈنگ کی اہمیت کو بھی اجاگر کرتی ہے۔