3 خواجہ سراؤں کی لاشوں کا پوسٹ مارٹم مکمل ، بڑا انکشاف سامنے آگیا

 کراچی (آئی این پی)میمن گوٹھ سے 3 خواجہ سراؤں کی ملنے والی لاشوں کے پوسٹ مارٹم میں بڑا انکشاف سامنے آیا۔تفصیلات کے مطابق کراچی میں میمن گوٹھ کے علاقے سے ملنے والی تین خواجہ سراؤں کی لاشوں کا پوسٹ مارٹم مکمل کرلیا گیا ہے۔

پولیس سرجن نے بتایا رات گئے تینوں لاشوں کا میڈیکل معائنہ کیا گیا اور انکشاف کیا کہ تینوں خواجہ سراؤں کو متعدد گولیاں ماری گئیں اور ان کی موت زیادہ خون بہنے کے باعث ہوئی۔پولیس حکام کا کہنا ہے کہ واقعے کی مزید تحقیقات جاری ہیں اور فائرنگ میں استعمال ہونے والے اسلحے اور محرکات کا سراغ لگانے کے لیے شواہد اکٹھے کیے جا رہے ہیں

۔یاد رہے کراچی میں 3 خواجہ سراؤں کے لرزہ خیز قتل کا واقعہ سامنے آیا تھا ، میمن گوٹھ میں ویران مقام سے تینوں خواجہ سراؤں کی لاشیں ملی تھیں ، جنہیں نامعلوم ملزمان نے قریب سے فائرنگ کرکے قتل کیا تھا۔مقتولین کی شناخت الیکس عرف عینی، جیئل عرف سمیرا اور اسماء کے ناموں سے ہوئی، جو صفورہ اور بلاول گوٹھ کے رہائشی بتائے جاتے ہیں۔

ترجمان ایدھی فاؤنڈیشن ایس ایس پی ملیر عبد الخالق پیرزادہ کا کہناہے کہ کرائم سین یونٹ کو جائے وقوعہ سے 9 ایم ایم پستول کے 2 خول ملے ہیں، جس جگہ خواجہ سراؤں کو قتل کیا گیا وہاں سی سی ٹی وی کیمرے نہیں ہیں پولیس نے جیو فینسنگ کی مدد سے قاتلوں کی تلاش شروع کردی ہے۔