بیروت میں خوفناک دھماکہ، فحش فلموں کی سابق لبنانی اداکارہ میا خلیفہ نے ذمہ داری کس پر عائد کردی؟
بیروت (ڈیلی پاکستان آن لائن) فحش فلموں کی سابق لبنانی اداکارہ میا خلیفہ نے بیروت دھماکے کی ذمہ داری ایرانی حمایت یافتہ جنگجو تنظیم حزب اللہ پر عائد کردی۔
بیروت میں ہونے والے خوفناک دھماکے کے بعد امریکہ میں مقیم لبنانی نژاد فحش فلموں کی سابق اداکارہ میا خلیفہ ٹوئٹر پر کافی متحرک ہیں ، وہ نہ صرف دھماکے کے حوالے سے اپنے جذبات کا اظہار کر رہی ہیں بلکہ ایسی پوسٹس بھی شیئر کررہی ہیں جن میں مدد یا خون کے عطیات کی اپیل کی گئی ہے۔
دھما کے کے بعد اپنے ایک ٹویٹ میں میا خلیفہ نے نے بیروت کو مخاطب کرکے کہا " بیروت، میرا دل ہمیشہ تمہارے ساتھ ہے۔"
Beirut, my heart is always with you ♥️
— Mia K. (@miakhalifa) August 4, 2020
ایک ویڈیو ری ٹویٹ کرتے ہوئے میا خلیفہ کا کہنا تھا کہ لبنان اس تکلیف کا مستحق نہیں ہے۔
Lebanon doesn’t deserve this suffering https://t.co/KaCdbi85ZO
— Mia K. (@miakhalifa) August 4, 2020
دھماکے کو آتش بازی کے سامان میں لگنے والی آگ کا نتیجہ قرار دینے پر بھی میا خلیفہ نے خوب برہمی کا اظہار کیا اور کہا " آتش بازی؟ خدا کی نظروں میں زیادہ بے توقیر کون ہے ، میں یا حزب اللہ ؟ تم بہت ہی برے ہو، لبنان کے لوگ تم سے بہتر کے مستحق ہیں۔"
“Fireworks”?!!!!! Who’s more disgraceful in the eyes of god, me or hezbollah?
— Mia K. (@miakhalifa) August 4, 2020
You’re disgusting and the lebanese people deserve better. https://t.co/7goXtfj6b3
انسٹاگرام پر کی گئی ایک پوسٹ میں تو میا خلیفہ نے حزب اللہ پر خوب غصہ نکالا اور الزام عائد کیا کہ وہ لبنان کی سرزمین پر دھماکہ خیز مواد چھپاتے ہیں اور پھر اسے آتش بازی کا نام دے دیتے ہیں۔
خیال رہے کہ لبنان کے دارالحکومت بیروت میں شدید نوعیت کا خوفناک دھماکہ ہوا ہے۔ بیروت میں ہونے والے دھماکے کی شدت اتنی زیادہ تھی کہ 10 کلومیٹر دور تک کے علاقوں میں مکانات اور دفاتر کے شیشے ٹوٹ گئے، دھماکے کی جگہ سے قریبی عمارتیں اور گاڑیاں تباہ ہوگئیں ، شہر کی عمارتیں کھنڈر کا منظر پیش کر رہی ہیں۔ ابتدائی طور پر اطلاعات آئی تھیں کہ دھماکہ بیروت بندرگاہ کے قریب آتش بازی کی فیکٹری میں ہوا ، پہلے ایک دھماکہ ہوا جس کے بعد دوسرا بڑا دھماکہ ہوا، دھماکے کے باعث بندرگاہ مکمل طور پر تباہ ہوگئی۔
لبنان کی پبلک سکیورٹی کے ڈائریکٹر جنرل کا کہنا ہے کہ بیروت میں جو دھماکہ ہوا ہے وہ آتش بازی کی فیکٹری میں نہیں ہوا بلکہ یہ ایک انتہائی دھماکہ خیز مواد تھا جو کئی سالوں سے پڑا ہوا تھا۔
الجزیرہ ٹی وی کا کہنا ہے کہ دھماکہ سوڈیم نائٹریٹ کی وجہ سے ہوا ہے جو کہ کچھ سال پہلے ایک جہاز سے اتار کر بندرگاہ کے ویئر ہاؤس میں سٹور کیا گیا تھا۔
ایسی بھی اطلاعات آرہی ہیں کہ دھماکے کی وجہ سے لبنانی وزیر اعظم کی اہلیہ، بیٹی اور سٹاف کے ارکان معمولی زخمی ہوئے ہیں۔
