زرداری کرشنا ملاقات ،پاک بھارت اور افغان امور پر تبادلہ خیالات
بیجنگ (مانیٹرنگ ڈیسک) صدر زرداری اور بھارتی وزیر خارجہ ایس ایم کرشنا نے بیجنگ میں ملاقات ہوئی جس میں افغانستان کی صورتحال پر تبادلہ خیال کیا گیا۔صدر زرداری اور بھارتی وزیر خارجہ ایس ایم کرشنا کی ملاقات بیجنگ میں ہونے والی شنگھائی کانفرنس کے دوران ہوئی۔ صدر زرداری نے ایس ایم کرشنا سے بھارت کی جانب سے افغانستان میں سرمایہ کاری پر معلومات لیں۔ ایس ایم کرشنا نے صدر زرداری کو بتایا کہ بھارت افغانستان میں صحت ، تعلیم اور تعمیراتی شعبے میں سرمایہ کاری کررہا ہے۔
