اسلام آباد ایئرپورٹ پر  مسافر سے تقریباً ڈیڑھ کلو آئس برآمد، کہاں چھپا رکھی تھی؟ جانئے 

   اسلام آباد (آئی این پی ) اسلام آباد انٹرنیشنل  ایئر پورٹ پر اے ایس ایف نے منشیات بیرون ملک  سمگل کرنے کی کوشش ناکام بنا کر ملزم کو گرفتار کرلیا۔
اے ایس ایف حکام کے مطابق دوحہ جانے والی پرواز کی بریفنگ جاری تھی کہ محمد جان نامی مسافر کے سامان کی چیکنگ کے دوران اے ایس ایف عملے نے سامان میں منشیات کی موجودگی کی نشاندہی کی۔

عملے کی جانب سے سامان کھولا گیا تو بیگ میں رکھے واسکٹ میں مہارت سے چھپائی گئی ایک کلو 332 گرام آئس برآمد ہوئی جس پر منشیات کو قبضے میں لے کر ملزم کو گرفتار کر لیا گیا۔
حکام کا کہنا تھا کہ ملزم کو ابتدائی تفتیش کے بعد مزید قانونی کارروائی کے لیے برآمد شدہ منشیات کے ساتھ اے این ایف حکام کے حوالے کر دیا گیا ہے جہاں اس سے مزید تفتیش جاری ہے۔