کراچی: گھر میں سلنڈر کا دھماکا، 6 افراد زخمی

کراچی (ڈیلی پاکستان آن لائن )کراچی میں ایک گھر میں سلنڈر کے دھماکے سے 6 افراد زخمی ہوگئے جنہیں ہسپتال منتقل کر دیا گیا ہے۔
ریسکیو ٹیم کے مطابق کراچی کے گبول ٹاون، شفیق کالونی میں گھر میں سلنڈر پھٹ گیا، دھماکا عمارت کی پہلی منزل پرہواجس سے چھت کو نقصان پہنچا۔
ریسکیو ٹیم نے بتایا کہ سلنڈر کے دھماکے میں 6 افراد زخمی ہوئے جنہیں طبی امداد کے لئے ہسپتال منتقل کیا گیا ہے۔
واقعہ کے مطابق انچارج بم ڈسپوزل سکواڈ عابد خان نے میڈیا سے گفتگو کرتے ہوئے کہا کہ گیس کی لائنیں پرانی ہیں، لوگوں نے کنڈے سے گیس کنکشن لیا ہوا ہے، پرانی لائنوں سے گیس بھی لیک ہو رہی تھی۔
انچارج بم ڈسپوزل سکواڈ کا کہنا تھا کہ تاروں میں آگ لگنے سے شارٹ سرکٹ ہوا اور پھر گیس لیکیج سے زوردار دھماکا ہوا۔