سونے کی قیمت میں بڑا اضافہ
لاہور(ڈیلی پاکستان آن لائن)آج ملک میں سونے کی فی تولہ قیمت میں 2 ہزار روپے کا بڑا اضافہ ہوگیا۔
آل پاکستان جیمز اینڈ جیولرز ایسوسی ایشن کے مطابق اس اضافے کے بعد ملک میں فی تولہ سونے کی قیمت بڑھ کر 2 لاکھ 76 ہزار 400 روپے ہوگئی ہے۔ اسی طرح 10 گرام سونے کی قیمت 1714 روپے بڑھ کر 2 لاکھ 36 ہزار 968 روپے ہوگئی۔ایسوسی ایشن کے مطابق عالمی صرافہ بازار میں سونے کی قیمت 20 ڈالر اضافے سے 2652 ڈالر فی اونس ہے۔
