کانپ جاتا ہے نام سے تیرے، آج بھی ظلم کا نظام حسینؓ  ۔۔۔

کانپ جاتا ہے نام سے تیرے، آج بھی ظلم کا نظام حسینؓ  ۔۔۔
کانپ جاتا ہے نام سے تیرے، آج بھی ظلم کا نظام حسینؓ  ۔۔۔

  IOS Dailypakistan app Android Dailypakistan app

سلام بحضور امامِ عالی مقام امام حسینؓ

میری نسلیں تری غلام حسینؓ 
میرے مولا مرے امام حسینؓ 

کوئی لیتا نہیں یزید کا نام
ایسے لیتا ہے انتقام حسینؓ 

دیں کا آغاز لا سے ہوتا ہے 
اور اس لا کی تو ہے لام حسینؓ 

ہے سکھاتا نہی عن المنکر
کربلا میں ترا قیام حسینؓ 

کر نہ پائی کبھی وہ سیرابی
لے گیا پیاس سے جو کام حسینؓ 

کانپ جاتا ہے نام سے تیرے
آج بھی ظلم کا نظام حسینؓ 

خوف رہتا نہیں کوئی دل میں 
جب بھی لیتا ہوں تیرا نام حسینؓ 

اس کو انمول کر دیا واللہ 
حر کے ایسے لگائے دام حسینؓ 

تو پلا گود میں نبوت کی
کیا بتاؤں ترا مقام حسینؓ 

اس کو رکھنا سدا غلاموں میں 
تجھ کو تنہا کہے سلام حسینؓ 

کلام :محمد عمران تنہا