شاہین شاندار کارکردگی کی بدولت فائنل میں پہنچ گئے

 پاکستان کرکٹ ٹیم نے ٹی20 ورلڈ کپ کے فائنل کے لئے کوالیفائی کرلیا جہاں اس کا مقابلہ آج بھارت اور انگلینڈ کے میچ کی فاتح ٹیم نے اتوار کو کھیلا جائے گا پاکستان کا ٹی20 ورلڈ کپ کا سفر بہت دلچسپ رہا آغاز میں دو میچ ہارنے کے بعد لگ رہا تھاکہ پاکستان شائد کسی بھی صورت سیمی فائنل تک رسائی حاصل نہیں کرسکے گی لیکن جس طرح قومی ٹیم نے کم بیک کیا اور قوم نے دعائیں کی اس کی بدولت پاکستان کو ٹی20 ورلڈ کپ میں کوالیفائی حاصل کرنا نصیب ہوا پاکستان کی ٹیم نے سیمی فائنل میں ایونٹ کی فیورٹ ٹیم نیوزی لینڈ کو عمدہ کھیل سے شکست دی بلاشبہ پاکستانی کھلاڑی میچ میں ہر شعبے میں بہترین پرفارمنس دیتے ہوئے نظر آئے کپتان بابر اعظم نے بطور کپتان او ر بیٹسمین جس طرح سے اپنی ذمہ داریاں پوری کیں وہ قابل تعریف ہیں اس سے قبل ان کی بیٹنگ پر تنقید کی جارہی تھی جس کا جواب انہوں نے اپنی عمدہ پرفارمنس سے دے دیا ہے امید ہے کہ اب وہ اسی طرح سے فائنل میں بھی ٹیم کے لئے بڑا سکور کریں گے سیمی فائنل میں پاکستان کی ٹیم نے تینوں شعبوں میں عمدہ پرفارمنس دکھائی سڈنی میں مقیم پاکستانیوں نے بھی پاکستان کرکٹ ٹیم کی جیت پر نہایت خوشی کا اظہار کیا اور جشن منایا پاکستان کی ٹیم ایک مرتبہ ٹی ٹونٹی ورلڈ کپ اپنے نام کرچکی ہے اور اب قوی امید ہے کہ دوسری مرتبہ بھی پاکستان کی ٹیم ہی ایونٹ کی فاتح ہوگی دوسری جانب آج بھارت اور انگلینڈ کی ٹیمیں بھی ایک دوسرے کا مقابلہ کرنے کے لئے سیمی فائنل میچ کھیل رہی ہے بھارت کی ٹیم اپنے گروپ میں پہلے نمبر پر ہے شائقین کرکٹ کو امید ہے کہ فائنل میں بھارت ہو یا انگلینڈ پاکستان کی ٹیم اس کو شکست سے دوچار کرے گی شائقین یہ بھی خواہش رکھتے ہیں کہ فائنل میں پاکستان کا مقابلہ روائتی حریف بھارت کے ساتھ ہو اور پاکستان کی ٹیم کامیابی حاصل کرے پاکستان کی ٹیم اس وقت بہترین پرفارمنس کی بدولت فائنل بھی اپنے نام کرنے کی پوری صلاحیت رکھتی ہے بس ایسی ہی محنت و جوش جذبے سے کھیلنے کی ضرورت ہے۔