خانیوال، مدرسے سے واپس گھر جانیوالی 12 سالہ بچی سے اجتماعی زیادتی

خانیوال(ڈیلی پاکستان آن لائن) تحصیل کبیروالا میں مدرسے سے پڑھ کرواپس گھر جانیوالی 12 سالہ بچی کو 2 ملزمان نے اجتماعی زیادتی کا نشانہ بنا ڈالا۔

"ایکسپریس نیوز" کے مطابق خانیوال کی تحصیل کبیروالا کے علاقے صدر میں2  ملزمان نے مدرسہ سے پڑھ کر گھر جانے والی 12 سالہ بچی سلمیٰ بی بی کو پکڑ کر اجتماعی زیادتی کا نشانہ بنایا۔ بچی نے شور مچایا تو علاقہ مکین مدد کے لیے پہنچے اور متاثرہ کو لہولہان حالت میں ملزمان سے بچایا تاہم مکینوں کے پہنچنے پر ملزمان موقع سے فرار ہوگئے۔بعد ازاں متاثرہ بچی کو زخمی حالت میں ٹی ایچ کیو ہسپتال منتقل کیا گیا جبکہ واقعے کی اطلاع ملنے پر پولیس نے موقع پر پہنچ کر شواہد اکٹھے کیے اور متاثرہ کا بیان بھی قلم بند کیا۔