ٹانک میں پولیس وین پر حملہ، 2 اہلکار جاں بحق، 3 شدید زخمی
ٹانک (ڈیلی پاکستان آن لائن )ٹانک میں پولیس وین پر حملے میں دو اہلکار جاں بحق اور تین زخمی ہو گئے۔
ڈی پی او ٹانک کے مطابق پولیس وین معمول کی گشت پر مامور تھی کہ پٹھان کوٹ کے قریب نامعلوم افراد نے فائرنگ کر دی۔
ڈی پی او کا کہنا ہے کہ مسلح افراد کے حملے میں دو اہلکار جاں بحق اور 3 اہلکار شدید زخمی ہوئے، زخمی پولیس اہلکاروں کو ڈسٹرکٹ ہیڈکوارٹر ہسپتال منتقل کر دیا گیا ہے۔
پولیس حکام کا کہنا ہے کہ علاقے کا محاصرہ کر کے ملزمان کی تلاش شروع کر دی ہے۔
