بلوچستان حکومت کے وزراء اخترمینگل پربرس پڑے 

کوئٹہ(آئی این پی)بلوچستان کے وزرا ءبلوچستان نیشنل پارٹی(  بی این پی)کے سربراہ سردار اختر مینگل پر برس پڑے ۔

کوئٹہ میں نیوز کانفرنس کے دوران صوبائی وزیر صادق عمرانی نے کہا کہ اختر مینگل دہشتگردوں کے سرغنہ ہیں جو عورتوں کے پیچھے چھپ رہے ہیں۔صادق عمرانی نے کہا کہ اختر مینگل ایک وقت میں نواز شریف کی گاڑی چلاتے رہے، انہوں نے بانی پی ٹی آئی کی حکومت میں شامل ہو کر 15 ارب روپے اپنی جیب میں ڈالے۔

صوبائی وزیر علی مدد جتک نے کہا کہ اختر مینگل ان دہشتگردوں کی بی ٹیم ہیں جو بولان میں ہلاک دہشتگردوں کی لاشیں لینے آئے تھے۔بخت محمد کاکڑ نے کہا کہ ماہ رنگ کیخلاف کیسز کورٹ میں ہیں، عدالت جو بھی فیصلہ کرے۔