ایران امریکا بالواسطہ جوہری مذاکرات کل عمان میں ہوں گے
مسقط(ڈیلی پاکستان آن لائن )ایران، امریکا مذاکرات کے حوالے سے تہران سے ایرانی میڈیا کا کہنا ہے کہ دونوں ملکوں کے وفود کل عمان کے دارالحکومت مسقط پہنچیں گے۔
روز نامہ جنگ نے ایرانی میڈیا کے حوالے سے بتایا کہ دونوں فریق عمانی وزیر خارجہ سے ملاقات کے بعد بالواسطہ مذاکرات کا آغاز کریں گے، ایرانی وفد کی قیادت وزیر خارجہ سید عباس عراقچی کریں گے۔
ایرانی میڈیا کے مطابق امریکی وفد کی سربراہی مشرق وسطیٰ کے لئے امریکی خصوصی ایلچی سٹیو وٹکوف کریں گے۔
ایرانی میڈیا کے مطابق عمانی وزیر خارجہ دونوں فریقوں کے درمیان پیغامات کی ترسیل میں ثالث کا کردار ادا کریں گے۔ایرانی میڈیا کے مطابق ایرانی جوہری معاملے پر ایران امریکا بالواسطہ مذاکرات کل عمان میں ہوں گے۔
