اللّٰہ تعالیٰ نے مسلم لیگ( ن) کو قوم کے مفاد کا کام سونپا ہے: عظمیٰ بخاری
لاہور ( ڈیلی پاکستان آن لائن ) وزیرِ اطلاعات پنجاب عظمیٰ بخاری نے کہا ہے کہ اللّٰہ تعالیٰ نے مسلم لیگ( ن) کو قوم کے مفاد کا کام سونپا ہے۔
عظمیٰ بخاری نے سوال اٹھایا کہ کیا جلاؤ گھیراؤ اور قومی اثاثوں کو نقصان پہنچانا قومی خدمت ہے۔ پنجاب اور سندھ دو بھائی ہیں، انہیں مل کر کام کرنا ہے، پانی کا مسئلہ تقریروں سے حل ہو گا نہ جلسے جلوس سے۔جب قوم کا مفاد ہوتا ہے تو یہ ہڑتال پر چلے جاتے ہیں، اللّٰہ تعالیٰ نے مسلم لیگ( ن) کو قوم کے مفاد کا کام سونپا ہے۔بلوچستان میں بعض سیاست دان دہشت گردوں کی لاشیں لینے کے لیے اسپتال پہنچ جاتے ہیں، دہشت گردوں کی پشت پناہی کرنے والے خود کو سیاست دان کیسے کہہ سکتے ہیں۔
"جنگ " کے مطابق عظمیٰ بخاری نے تھیٹر سے متعلق بات کرتے ہوئے کہا کہ پنجاب حکومت تھیٹر کو فعال بنانے کی بھرپور کوشش کر رہی ہے، تھیٹر میں گانے کا لازمی ہونا ضروری نہیں ہوتا، جو لوگ فیملی تھیٹر چاہتے ہیں وہ میرا ہاتھ ضرور مضبوط کریں گے۔انہوں نے یہ بھی کہا کہ وزیرِ اعلی نے سپورٹس بورڈ کو جتنا فنڈ دیا اس سے پہلے کبھی نہیں ملا۔
 کو قوم کے مفاد کا کام سونپا ہے: عظمیٰ بخاری){kind=link}