سوات :بحرین میں شدید بارشوں کے بعد پاک فوج کا ریسکیو آپریشن

سوات (ڈیلی پاکستان آن لائن)بحرین میں شدید بارشوں کے بعد پاک فوج کا ریسکیو آپریشن جاری ہے۔

تفصیلات کے مطابق شدید بارشوں کی وجہ سے تحصیل بحرین میں لینڈ سلائیڈنگ کے بعد سڑکیں بلاک اور بحرین سے کالام روڈ بلاک ہو گئی تھی۔

پاک فوج کے جوانوں نےضلعی انتظامیہ اور این ایچ اے کے ساتھ مل کر لینڈ سلائیڈنگ سے متاثرہ سڑکوں کو صاف کر کے ٹریفک بحال کر دی،اس سلسلہ میں پاک فوج کی جانب سے گذشتہ تمام رات کام جاری رہا،علاقہ میں سیاحوں کی بڑی تعداد کی موجودگی کی وجہ سے ٹریفک کی روانی متاثر رہی،پاک فوج کی جانب سے ہنگامی بنیادوں پر ریسکیو آپریشن کے بعد ٹریفک بحال کر دی گئی ہے اور سیاح دیگر علاقوں کی جانب بغیر رکاوٹ کے سفر کر سکتے ہیں۔