راولپنڈی، زہریلی شے کھلا کر قتل کرنے اور قیمتی اشیاء چرانے والی خاتون گرفتار
راولپنڈی (آئی این پی )راولپنڈی میں زہریلی شے کھلا کر قتل کرنے اور قیمتی اشیا ءچرانے والی خاتون کو گرفتار کرلیا گیا۔
گوجرخان پولیس نے کارروائی کرتے ہوئے زہریلی شے کھلا کر قتل کرنے اور قیمتی اشیا ءچرانے والی ملزمہ کو گرفتار کرلیا۔ گرفتار ملزمہ کی شناخت شازیہ یونس عرف کوکو جان کے نام سے ہوئی۔ترجمان راولپنڈی پولیس کے مطابق ملزمہ زہریلی اشیا ءکھلا کر لوٹنے کے مقدمات میں پشاور، راولپنڈی اور وزیرآباد میں ریکارڈ یافتہ ہے۔
ملزمہ نے اگست 2024 میں گوجر خان کے رہائشی ساجد کو زہریلی شے کھلا کر قتل کیا تھا۔ ملزمہ مقتول کی رقم اور قیمتی اشیاء چوری کرکے فرار ہوگئی تھی۔ گوجرخان پولیس نے واقعہ کا مقدمہ درج کر کے ہیومن انٹیلی جنس سمیت تمام ذرائع بروئے کار لاتے ہوئے ملزمہ کو گرفتار کیا۔
