نفرتوں کے دروازے بند اور پرچم کوہمیشہ سربلند رکھیں، میں انتقامی کارروائی میں لگ گئی تو عوام اور طلباء کے کام کون کریگا؟ مریم نواز
بہاولپور ( ڈیلی پاکستان آن لائن )وزیر اعلیٰ مریم نوازنے سیکنڈ اور تھرڈایئر طلباء کے لئے سکالر شپ سکیم تیار کرنے کی ہدایت کی ہے۔ وزیر اعلیٰ مریم نوازشریف کا طلبہ کو اگلے سال سے ایک لاکھ الیکٹرک بائیکس اور لیپ ٹاپ سکیم کے جلد آغاز کااعلان کر دیا ۔
تفصیلات کے مطابق وزیر اعلیٰ مریم نواز نے اگلے سال سے سکالر شپ 50ہزار کرنے کے لئے اقدامات کی ہدایت کی۔ وزیر اعلیٰ نے اسلامیہ یونیورسٹی بہاولپور میں ہونہار سکالر شپ کی تقریب میں طلباء سے وطن عزیز کی عزت وحترام کا عہد بھی لیا۔ وزیر اعلیٰ نے تقریب سے خطاب کرتے ہوئے کہا کہ نفرتوں کے دروازے بند اور پرچم کوہمیشہ سربلند رکھیں ہر طالب علم کو سب سے پہلے پاکستانی ہونا چاہیے۔ سیاسی وابستگی سے بالا تر ہوکر میرٹ پر سکالر شپ مل رہے ہیں۔ ہونہار سکالر شپ دیکر والدین کا مالی بوجھ بانٹ رہے ہیں۔ہونہارسکالر کے لئے 72ارب روپے دے رہیں، مجھے172 ارب روپے بھی کم لگتے ہیں۔
انہو ں نے کہا کہ پورا جنوری ہونہار سکالر شپ کے لئے وقف کیا ہے۔ کوئی محب وطن ایک صوبے سے دوسرے صوبے پر حملہ نہیں کر سکتا۔ وطن کا کوئی پاسبان قانون نافذ کرنے والوں اداروں کے اہلکاروں پر حملے نہیں کرسکتا۔ جان کا نذرانہ پیش کرنے والے وردی پوشوں کی تضحیک برادشت نہیں کرسکتے۔
وزیر اعلیٰ مریم نواز نے کہا کہ اگر میں بھی کسی کو آوازیں کسنے اور حملے کرنے کا کہوں تو مت کریں۔ملکی مفادات سے متصادم ریڈ لائن کو کراس نہیں کرنا۔ میں انتقامی کارروائی میں لگ گئی تو عوام اور طلباء کے کام کون کرے گا۔پاکستان میرا ہے ذرے ذرے اور چپے چپے سے پیار ہے۔ حملے اور جلاؤ گھیراؤمیں پڑ گئی تو بچوں کو لیپ ٹاپ کون دے گا۔ اڈیالہ اور کوٹ لکھپت جیل میں 50 ڈگری کی گرمی دیکھی شکوہ نہیں کیا۔ جب بھی ہاتھ اٹھائے تو ملک و قوم کی سلامتی کی دعا کی۔الزام تراشی کا بیانیہ بنانا کام نہ کرنے والوں کا شیوہ ہوسکتا ہے۔
وزیر اعلیٰ مریم نواز نے کہا کہ دوسرے صوبے سکالر شپ مانگ رہے ہیں ہم دے رہے ہیں۔ماں ہوں نفرت پالنے کا درس نہیں دے سکتی۔وزیر اعلیٰ مریم نواز نے طلباء کو نصیحت کی کہ نفرتوں کے دروازے بند اور پرچم کوہمیشہ سربلند رکھیں۔
