محرومی | اختر الایمان |

محرومی | اختر الایمان |
محرومی | اختر الایمان |

  

محرومی

تو بھی تقدیر نہیں درد بھی پائندہ نہیں

تجھ سے وابستہ وہ اک عہد ، وہ پیمانِ وفا

رات کے آخری آنسو کی طرح ڈوب گیا

خواب انگیز نگاہیں ، وہ لبِ درد فریب

اک افسانہ ہے جو کچھ یاد رہا ، کچھ نہ رہا

میرے دامن میں نہ کلیاں ہیں ، نہ کانٹے ، نہ غبار

شام کے سائے میں واماندہ سحر بیٹھ گئی

کارواں لوٹ گیا،مل نہ سکی منزلِ شوق

ایک امید تھی سو خاک بسر بیٹھ گئی

ایک دوراہے پہ حیران ہوں کس سمت بڑھوں

اپنی زنجیر وں سے آزاد نہیں ہوں شاید

میں بھی گردشِ گہہِ ایام کا زندانی ہوں 

درد ہی درد ہوں فریاد نہیں ہوں شاید

زیرِ مثرگاں تپشِ آہ کے پگھلائے ہوئے

ڈبڈباتے ہوئے تاروں سے مجھے کیا لینا

تیرے آنسو مرے داغوں کو نہیں دھو سکتے 

تیرے پھولوں کی بہاروں سے مجھے کیا لینا

اپنے انجام کی تشویش اب آئندہ نہیں

شاعر: اخترالایمان

(شعری مجموعہ:گرداب،سالِ اشاعت1943)  

Mehroomi

Tu    Bhi     Taqdeer      Nahene     Dard     Bhi    Paainda    Nahen

Tujh    Say    Wabasta   Wo    Ik    Ehd   ,   Wo    Piamaan -e- Wafa

Raat    K    Aakhri    Aansu    Ki    Tarah    Doob    Gaya

Khaab    Angaiz    Nigaahen   ,  Wo   Lab -e- Dard    Faraib

Ik     Fasaana    Hay    Jo    Kuch    Yaad    Raha    Kuch    Na    Raha

Meray    Daaman    Men    Na    Kalyaan    Hen   ,  Na     Kaantay   ,  Na Ghubaar

Shaam    K    Saaey    Men    Wamaanda    Sahar    Baith    Gai

Karwaan    Laot    Gaya  ,  Mil    Na    Saki    Manzil -e- Shaoq

Aik    Umeed    Thi    So    Khaak   Basar    Baith   Gai

Aik    Doraahay    Pe    Hairaan    Hun    Kiss  Samt    Barrhun

Apni    Zanjeeron    Say    Azaad    Nahen    Hun    Shayad

Main    Bhi    Gardish -e- Gah -e- Ayyaam    Ka    Zindaani    Hun

Dard    Hi    Dard    Hun    Faryaad    Nahen    Hun    Shayad

Zer -e- Mizzgaan    Tapish -e- Aaah    K    Pighlaaey    Huay

Dubdabaatay     Huay    Taaron   Say   Mujhay    Kaya   Laina

Teray    Aansu    Miray    Daaghon    Ko    Nahen   Dho   Saktay

Teray   Phoolon    Ki    Bahaaron   Say    Mujhay   Kaya    Laina

Apnay    Anjaam    Ki    Tashveesh    Ab    Aainda   Nahen

Poet: Akhtar   ul   Eman

مزید :

شاعری -رومانوی شاعری -غمگین شاعری -